اليوم جبت ليكم وصفة للبشرة الذهنية والبشرة العادية فقط.
والنتيجة ديآلها كتبآن من الاستعمال الأول
نـتـائـجـها:
كتصفي البشرة وكتمنع ظهور الحبوب وكتجبد الوجه وكتمع ظهور التجاعيد وكتحمر الوجنتين وكتحيد البقع السودآء
وإن شآء الله غتشوفوا حوآيج أخرى والمهم الوجه كيولي رآآائع
وصفة تصفية الوجه ويخليه بلارة والنتيجة من اول استعمآل
على بركة الله المقادير:
غتاخذي حبة ديال الرنج وتعصريها
((وكتسمى أيضا الأزنبوع أو الأزنبوح))
ضيفي ليها طريف ديال الخوخ وطحني في المولينيكس وتحتافظي بهاد الخليط.
الطريقة:
1ـ تغسلي وجهك بصابون الحجرة وتشليه مزيآن بالماء،،
2ـ ثم تعاودي ديري الصابون ديال الحجرة مرة ثانية وتخليه حتى يتغلغل في البشرة ويبدا ينشف عاد غسليه.
3ـ ثم ذهني وجهك (بزيت البلدية مع زيت أركان مع زيت اللوز مع زين الكركاع مع زيت السمسم)
وإلا مكنوش ممكن تستعملي زيت واحد أو 2 الأنواع أو أكثر المهم على حسب القدرة ديآلك،، وإلا مكنآش عندك ديري غير الزيت البلدية.
4ـ خلي هاد الزيت حتى لثلاث ساعات في وجهك.
5ـ خوذي العصير الي صاوبنا في الأول وذهني بيه وجهك وملي ينشف دير كوش أخرى وباتي بيه ليلة كاملة.
وفي الصباح ملي تغسلي وجهك ويعبجك لا تنسيني من الدعآء.
وطبعا المصدر:
الي خذيت منه الوصفة هو الدكتور جمال الصقلي
في حلقة
29 أبريل 2013 في برنامج "عندي دواك"
كنتمنى تستفادوا من هاد الوصفة الي فعلا أكثر من رآائعة وخصوصا دابة وقتها،، وبالنسبة للزيوت حاولي تقلبي على زيوت طبيعية ماشي هادوك الي تيكونوا في قريعات ب20 درهم راهم قباحين بزآف.
التدوينة وصفة تصفية الوجه ويخليه بلارة والنتيجة من اول استعمال ظهرت أولاً على موقع لالة سناء.
Put the internet to work for you.
إرسال تعليق