مرحبا بكم دخلو قولولي كيجاكم حمامي
السلام عليكم
هاد النهار كنت مشهية شي تحميمة تكون 10على10 ونيت داكشي اللي درت وجدت الكوطي و العشا ف الصباح باش فاش نرجع مندير والو و يبقى باين علي الحمام
اول حاجة درتها منين كنت غادا الحمام دزت عند العشاب حيت ما كان عندي والو خديت الورد و الخزامى و الغاسول و الحنة و السواك
وفاش دخلت درت الورد و الخزامى فواحد القرعة و خويت عليهم الماء السخون وخليتهم و درت الحنة + الصابون البلدي + العكر الفاسي و زدت عليهم شوية د الماء السخون و طليتهم لحمي كامل و جلست شي 10د عاد شللتهوم و بديت الحكان و منين ساليت دزت لشعري وقبل وجدت الغاسول درت فيه شوية د الورد و طلقتو بالماء السخون ملي ساليت الكوش الاول لشعري درت الغاسول و خليتو شي 20 د فديك لوقيتة حكيت رجلي بالحجرة وحكيت لبنيتي من بعد شللتو ودرت كوش أخرى د الشمبوان و موراها حمام زيت كريمي و وجهي درت ليه ماسك الغاسول الابيض + النشا+عسل حر+عكر فاسي
اوا ملي ساليت هادشي شللت و درت الصابون و غسلت المنطقة الحساسة بداك الماء اللي صاوبت فالأول اللي فيه الورد و الخزامى و لبست بنواري و خرجت
وقولولي كيجاكم حمامي و عقبالكم بشي تحميمة حسن من هادي
سمحولي ما صورت والو حيت ختكم 0 فإدراج الصور
التدوينة مرحبا بكم دخلو قولولي كيجاكم حمامي ظهرت أولاً على موقع لالة سناء.
Put the internet to work for you.
إرسال تعليق