تحضير كيكة معلكة و مقرمشة بالصور
للاخت مرح و فرح جزاها الله عنا كل خير
نهاركم مبروك عزيزاتي كيكة اليوم كنت شفتها في واحد الموقع وجربتها وجات غزالة واخا درت فيها تعديلات من عندي وقلت نجي نشارككم بيها لانها فعلا تستحق تجربوها على بركة الله نبدا بالمقادير
مقادير تحضير كيكة معلكة و مقرمشة
2 بيضات
6 معالق كبار سنيدة
4 معالق كبار زيت
7 معالق كبار حليب
9 معالق دقيق
1 خميرة الحلوة 7 غرام
طبقة البيسكوي:
12 قطعة بسكوي سبيكيلوز( او اي بسكوي بغيتو متلا سابلي او كوكيز هنريس نتوما ولي قال ليكم راسكم ههههه)
معلقة صغيرة قرفة
معلقة صغيرة زبدة
نصف كاس سكر
اول حاجة الكيك نخلطو المقادير بالتتابع لي في لائحة المقادير ونديرو في المول
البسكوي كانهرمشو (هههههه مالقيتش المصطلح المناسب مضحكوش عليا ) في كاسرونا نزيد عليه الزبدة والقرفة وسنيدة نديرهم فوق عافيا مهيلة ونبقا نحرك بشويا تاذوب الزبدة فقط ونزولو نخليه يبرد شويا
نخوي البسكوي فوق خليط الكيك وندخلو يطيب في الفران مدة نصف ساعة تقريبا على درجة حرارة 200 درجة
في هاد الوقت نوجد باش غانزين الكيك غانحتاج
نصف علبة الحليب المركز المحلى
4 فرماجات
شكلاط ذايب
كانطرب الحليب المركز المحلى مع الفرماج ودرتو في ميكة حيت ماعنديش جيب حلواني لي من بعد غا نتقبها تقبة صغيرة باش تزوق بيها
هنا الكيك مني طاب
نخليه تايبرد عاد نزوقو بخطوط من الخليط لي صاوبت والشكلاط
التدوينة تحضير كيكة معلكة و مقرمشة بالصور ظهرت أولاً على موقع لالة سناء.
Put the internet to work for you.
إرسال تعليق