الكتف و الظلعة محمرين - عراضة – طريقة جديدة - هدى اليداري
الحشوة : رابعة الكفتة + 2 كلاوي غنمي مقطعين صغار او الكبدة او بلاش هو اختياري + بصلة مشلظة رقيقة + نص م ص ثوم غبرة او 1 ثوم + نص م ص سمن + شوية زعفران حر + 2 مسكة حرة + م ص سكينجبير + 100 غ مشماش يابس مقطع + 100 غ كركاع + نص م ص سنيدة + م ك زبدة + 2 م ك زيت + ملح + 2 قرات الخل ايلا استعملنا الكلاوي + ابزار + ربع م ص مروزية
ناخد البصل مشلظ رقيق جدا مع الزيت و السمن و الثوم ونشحر ونغطيها حت تدبل + كلاوي ديال الغنمي او طريف الكبدة ونشحر + المشماش + زعفران حر + سكينجبير + الخل ايلا استعملنا الكلاوي + ونشحر ونطفي البوطة ونضيف الكفتة + الكركاع مهرمش باليد او الموس + زبدة + الملح + سنيدة + ابزار ونعجن باليد + مسكة حرة مدقوقة + مروزية
نحل الكتف و الظلعة عند الجزار بحيث تكون غارقة ونعمرهم ونبسطهم باليد ونسد بعود اسنان
ندهنهم ب م ك الزبدة من الفوق و لتحت ونحطهم فوق ورق الطهي او لاطة مزيانة + كاس ونص عنبة ديال الما في الجوانب وندخلهم الفران ساعة او ساعة ونص ومرة مرة نتقبو بعود اسنان او قطيب
مللي يطيب و نبغي نقدمو ندهنو ب : م ك الزبدة + ربع م س السمن و الملح و الابزار و زعفران حر مخلطين ونعاود ندخلو الفران
ونقدمو مع الاناناس معسل في مقلة ب م ك الزبدة و م ك سنيدة - 5 دقايق
و المشماش تقريبا 100 غ كنديرو في كاصرونة مع كاس الا ربع ديال الما و طريف زبدة و عود قرفة و قبصة ملح نخليه يطيب حتى تبقى غير م ك الما ونحيدو نعمرو
نعمرو الوسط باللوز مقلي و مهروش او البيسطاش مهروش معسلين ب م ص كليكوز
ونعسلوه في ديك م ك الما اللي بقات و قبصة مسكة حرة + م ك السنيدة - 5 دقايق
Put the internet to work for you.
| |
| Recommended for you |
إرسال تعليق