بالصور تحضير كيكة المحلبة ساهلة ماهلة
مشاركة من الأخت : lilas
السلام عليكم
مهم هاهم المقادير كيف هتثم الأخت هما ديال 3 كيكة دقة وحدة
لكن أنا درت غي مقادير كيكة وحدة
مقادير ال-3 كيكة
هاهي الوصفه منقوله لمسكوته
حنا كنديرو 3 كيكات فدقة وحدة
فبانيو او سطل غارق كنديرو 9 بيضات
ثم زادت 3 ديال عليبات ديال السكر (علبة =كاس عنبة و نص
وزادت لتر حليب
دارت 3 عليبات د الزيت
كدير كلشي فدقة وحدة و عاد كتخلط مزيان مزيان بالحق بيديها ماشي بالباطور انا قلتلكم بالظبط كيفاش كتخدم
و ملي كيتخلط الخليط مزيان كضيف الطحين على حسب الخليط و لكن دارت كيلو ديال الطحين و عاد كتشوف واش الخليط هو هداك و كيتزيد يلا خص
تم زادت الخميره 9 دالخمارات كل كيكه ليها 3 الخمارات حمرين
كتدهن المولات بالزبده و ترشه بالطحين و تعمرهم تال النص
و كتاخد كوبيل فزلافة و تخلطو مع شوية ديال الزيت حتى يتطلق و من بعد ضيف شوية من خليط الكيك
كدخلها الفران سخون 45 دقيقه
وهدو المقادير لدرت أنا بنسبة لكيك وحدة
3 البيضات
كاس ونص سكر
كاس ونص زيت
فاني
2 كيسان حليب
خلط كلشي ف دقة وحدة
وزدت 3 كيسان دقيق و-3 خمارات
وف زلافة كنت درت معلقة كاكاو وشوية زيت ملي طلق زدت عليه شوية د خليط الكيك
دهنت القالب بزبدة ودقيق ودرت الخليط وكبيت عليه من لفوق خليط كاكاو
ودخلتها لفران
ملي خرجتها dhentha بكونفتر وكوك
كتجي بحال ديال المحلبة وهشيشة
Put the internet to work for you.
إرسال تعليق