مقادير كيكة قدرة قادر
مقادير الكراميل :
1 كاس سكر
مقادير الكريم :
4 بيض
كاس صغير نستلي حلو
كاس صغير حليب غبرة
قشور حامضة محكوكة
3 كيسان كبار حليب
1 لفاني
مقادير الكيك :
3 بيض
1 فاني
كاس صغير سكر
كاس صغير حليب
كاس صغير زيت
1قشرة حامضة محكوكة
1 م ص نسكافي
3 م ك كاكاو
1م ص و نصف خميرة الحلوى
2 كيسان صغار و نصف دقيق
طريقة تحضير كيكة قدرة قادر بالصور
كندوبو السكر في مقلاة متكونش تلصق حتى يولي كراميل(غير يحمار
نزولوه ماشي كاع يتحرق)
ونصبوه في المول بلا مندهنوه ونخليو جانبا
كنحضرو الكريم:في خلاط كهربائي كنضربو المقادير كلها(ماعدا الحليب
السائل)
من بعد نضيفولهم الحليب ونكملو الخلط
نصبو الخليط فوق الكراميل
كنديرو الحليب مع نسكافي فوق البوطة حتى يدفاو ونخليوهم على جنب
نطربو البيض بالضراب الكهربائي مع السكر ،لفاني و قشرة الحامض حتى يبياضو و يتضاعف الحجم ديالهم
نضيفو الزيت و نحركو بالضراب اليدوي
ثم الحليب و نسكافي
ثم الدقيق ،الكاكاو ،الخميرة نخلطو الكل مزيان
نصب خليط الكيك على الكريم وغير بشوي
نحطو القالب وسط قالب آخر على حمام مائي ساخن جدا
و ندخلها للفرن 55د حتى طيب
نخرجوها من الفرن و نخليوها تبرد ونقلبوها غير بشوي
ومن بعد ندخلوها الثلاجة تبرد مزيان على الاقل شي 6 ساعات، والى باتت تكون احسن
عاد تقدم حسب الرغبة
ثم نقدم كيكة
وبالصحة والراحة
Put the internet to work for you.
إرسال تعليق