كيك بالشكلاط – هدى اليداري
5 بيضات + م ص الخل + 2 م ك الما + كاس عنبة سنيدة ونطرب + نص كاس زيت عادي + نص كاس زبدة مدابة مع التطراب حتى تولي كريمة ونضيف 100 او 150 غ شكلاط اسود نوع جيد مدوب في حمام مريم + ياغورت شكلاط ونطرب + نص كاس بودرة الكاكاو + الدقيق مغربل مع 3 خمارة و 2 م ك مايزينا او فورص ونطرب
تحضير الكوك : 150 غ كوك + حليب مركز محلى ابيض نخلطوه تقريبا 3 او 4 م ك غير اللي يخلط الكوك وندير كويرات صغار
ندهن المول بالزبدة ونرش الدقيق او كاكاو وندير نص الخليط الكيك ونرمي الكويرات ونخوي ما تبقى من خليط الكيك وندخلها الفران على مقلة ثقيلة او لاطة الفران
مللي تخرج وتبرد نديرو ليها الكاناج
الكاناج : نص كاس قشدة طرية غير تغلى على نار متوسطة ونكفي البوطة و نضيف عليها 200 غ شكلاط محكوك + م ص زبدة ونحرك فوق النار مع التحراك حتى يدوب الكل ونخويه على الكيك مباشرة
Put the internet to work for you.
إرسال تعليق