طريقة تحضير السفة المدفونة بالشعرية
مكونات و طريقة تحضير السفة المدفونة بالشعرية
1Kg شعرية لفوار ندهنوها مزيان بالزيت ونديروها في كسكاس نخليوها تفور مزيان ونحيدوها من الكسكاس ونكبو عليها الماء سخون والملح ونفكوها بيدينا نتركها قليلا ثم نردوها للكسكاس تفورنعيد العملية حتى ترطاب فالأثناء ل كتكون شعرية تفور نديرو زيت في الكوكوت وأطراف الدجاج أو دجاجة كاملة ثم نضيف بصلتين مشلضين نقليو شوية ثم نضيف التوابل والملح نقليو شوية ثم نمرق ونضيف قزبوبر ومعدنوس مفرومين ونسدو الكوكوت مين يطيب الدجاج نحيدوه و نخليو المرقة تختر شوية ثم نزولو زلافة ديال المرق ونشحرو الباقي حتى تبقا غ البصلة نضيف فوقها البيض ونحركو مزيان ناخدو طبسيل نوضع فيه فرشة ديال السفة تم الدجاج المفرتت والتفاية مخلطين – ونرشو باللوز المهرمش ونغطي الكل بالشعرية ونزوقها بالسكر والقرفة واللوز المهرمش وكذلك اللوز الصحيح
أترككم مع الصور
التدوينة طريقة تحضير السفة المدفونة بالشعرية ظهرت أولاً على موقع لالة سناء.
Put the internet to work for you.
إرسال تعليق