حلوى عيد الميلاد بلاباط
ناخدو المول ديال 26 او 28 سنتيم دائري او مربع
لاجينواز : نطرب 5 بيضات مع 250 غ سنيدة رقيقة جدا + م ك الما ونخدمو مزياان حتى يولي كريمة بيضاء + فاني + 250 دقيق مغربل مع نص خمارة او خمارة باش يجي الكيك عالي ونطرب مزيااااان مزياااان 10 دقايق تقريبا في كل مرحلة بدون زيت ولا زبدة
نديرها في المول وندخلها الفران سخون 8 دقايق من قبل ونديرها طيب تقريبا واحد 10 دقايق او اكثر حتى طيب و تنشف ونخليها تبرد ونديرها في المجمد 10 دقايق باش تقساح وعاد نقسمها على 2 - وما نسقيهاش نخليها هكداك
الكريمة : نصاوب لاكريم باتيسيير ونضيف ليها 2 ياغورت كريمي ونطرب ومللي تبرد شوية + زبدة تقريبا 350 غ مرخوفة مع التطراب + 150 غ بودرة اللوز بالقشرة محمر حتى يولي اللون ديالو بني لداخل ونطحنوه
ندير الكل في المجمد 10 دقايق ونبدا نخدم بيها
ندهن الوجه الاول من الكيك بنصف كمية الكريمة ونحط الوجه الاخر من الكيك فوق منو ما تبقى من الكريمة ندهنها كلها وندخلها المجمد ساعتين تقريبا وعاد من بعد ندير فوق منها عجينة السكر
Put the internet to work for you.
إرسال تعليق