بغيتي طولي و تقوي شعرك وتكون فيه لمعة مرحبا بيك
بغيتي طولي و تقوي شعرك وتكون فيه لمعة مرحبا بيك
اش نقول ليكم هاد الوصفة خمس سنين و اناكنسمع بيها و سبحان الله عاد كتاب باش نوجدها و نجربها
لاني قريييت عليها بزاف و بالاخص من بناتالخليج لي جربوها ف شعرهم و شافو شعرهم ولا رآآآآآئع بمعنة الكلمة
كيطوال و كيقوى و كيعطي لمعة للشعر هذه الخلطة كتكون من جوج عناصر وهي موجودةعندك ف الدار زيت الزيتون الفلفلة خضراء حلوة
هنا غسلتها ونشفتها من الماء
من بعد قطعتها على جوج و حيدت ليها الزريعة
و قطعتها مربعات صغيرة و درتها فقرعة الزاج
واخر حاجة خويت عليه زيت الزيتون حتى تغطى المطلوووووب تخليه عشر ايام مرقد ف الزيت و كل نهار القرعة تحرك منين دوز عشر ايام تصفي الزيت تحتافظي بيها و الفلفلة ترميها وتبداي تشقي بيه الفروة ديال راسك و تخليها ثلاث ساعات ف شعرك تكرر العملية من جوج حتى ثلاث مرات ف الاسبوع ضروري اي وصفة بديتيها ف الاول تستعمليها على الاقل ثلاث مرات في الاسبوع و اسبوع على اسبوع تبداي تنقصي حتى تخليها مرة اسبوعيا انا حبيت نشارك معاكم الوصفة الي لقيت وغادي نبدا نتبعها فوووووقاش دوز عشر ايام ههههههه والي جرباتها ماتبخلش علينا برايها كيفما كان وشكرا .
التدوينة بغيتي طولي و تقوي شعرك وتكون فيه لمعة مرحبا بيك ظهرت أولاً على موقع لالة سناء.
Put the internet to work for you.
إرسال تعليق