السلام عليكم و رحمة الله و بركاته
موقع بسمة لكل ما يهم المرأة المغربية يقدم وريدات بالبطاطا و الكفتة
وريدات بالبطاطا و الكفتة
مقادير وريدات بالبطاطا و الكفتة
بطاطس
كفتة
بصلة مشلظة
فلفلة حارة مقطعة
ملعقة كبيرة ماطيشة الحك
زيت بلدية
ملح+ابزار
القسبور طري مقطع
بيض
الفروماج محكوك
طريقة تحضير وريدات بالبطاطا و الكفتة
نقي البطاطا و نقطعها دواور شوية رقيقة و نملحها
نقليها فالزيت نص قلية يعني ما نخليهاش حتى تتحمر
نحطها على ورق نشاف باش يمتص الزيت اللي فيها و نخليها جانبا
نشحر البصلة و الفلفة حارة مع شوية الزيت البلدية
ملي تدبال و يصفار لونها نزيد الكفتة
تشحرها مزيان و نبقى نحرك حتى تفرتت
ندير الملحة و الإبزار و إلا بغيتي تزيدي العطرية اللي كتعجبك و لكن ما يحتاجش حيت كتجي بنينة
نزيد ماطيشة الحك
و نبقى نشحرها حتى تشرب مزيان
نزيد القسبور و نطفي العافية
نخليها حتى تبرد و نزيد عليها الفروماج محكوك و البيض على حسب كمية الكفتة المهم خاص الخليط يكون شبه سائل حيت البيض هو اللي غادي يلصق الوريدات
ناخد مولات السلكون و نستف فيهم دوائر البطاطا بهاد الشكل باش نحصل على وريدات
نعمر الوريدات ديالنا بالخليط ديال الكفتة
ندخلهم للفران يكون مسخن من قبل و نخليهم يتحمرو
نخرجهم نزيد الفروماج محكوك و نرجعهم واحد 2 دقايق العافية من فوق غير يدوب الفروماج و نخرجهم
و هدا الشكل النهائي
Put the internet to work for you.
إرسال تعليق