السلام عليكم و رحمة الله و بركاته
موقع بسمة لكل ما يهم المرأة المغربية يقدم صابلي الفراشة و القلب ببودرة الحليب و الكوفتير
صابلي الفراشة و القلب ببودرة الحليب و الكوفتير
مقادير و طريقة تحضير صابلي الفراشة و القلب ببودرة الحليب و الكوفتير
من الاخت وردة مغربية جواها الله عنا كل خير
مقادير صابلي الفراشة و القلب ببودرة الحليب و الكوفتير
250غ دقيق خاص بالحلويات + قبصة ملح
80غ سكر كلاصي
1 بيضة
125غ زبدة بحرارة المطبخ
2 معالق كبار حليب غبرة نيدو
2 معالق كبار كونفتير المشماش سائل
راس الملعقة صغيرة خميرة الحلوى
للتزيين
كونفتير مشماش
كونفتير فريز+ملون أحمر
الكليكوز
طريقة تحضير صابلي الفراشة و القلب ببودرة الحليب و الكوفتير :
نخدمو الزبدة مع السكر كلاصي حتى تولي كريمة
نزيد البيضة و نخلط
نزيد الحليب بودرة و الكونفتير و الخميرة الحلوة و نخلط
و في الأخير نزيد الدقيق و قبصة الملح
نحصل على عجينة مرخوفة شوية
نعمل منها كويرات و نغطيها بالبلاستيك الغدائي و ندخلها الثلاجة على الأقل مدة 2 سوايع
نطلق العجينة بالمدلك فوق طاولة ملبسة بالبلاستيك الغدائي مع رش الدقيق
ناخد قطاعات حسب الرغبة هنا خديت قليبات كبير و صغير
و الفراشة حتى هي الكبير و الصغير
نرشم في الأول بالمرشم الكبير
و ندهن أطرافو بأبيض البيض
نقطع قلب كبير و نرشم الوسط ديالي بالقلب الصغير
نحطو فوق القلب اللي دهناه بابيض البيض
كنحصلو على هاد الشكل
نتبعو نفس الخطوات مع مرشم الفراشة
و نستف الصابلي فوق لاطة ملبسة بالورق السولفيريزي
ندهن بأبيض البيض و نزين الفراشات بالعقيق الفضي
ندخل الحلوى لفران سخون و نقابلها ما خصهاش تتحمر بزاااف
ملي نخرجها من الفران نخليها تبرد و نوجد الكونفتير
نعمل 2 معالق كبار كليكوز فكاصرونة فوق النار و نزيد الكونفتير و نخليه حتى يغلي (هكدا الكونفتير غيثبت على الحلوى و ما يبقاش يسيح)
نزين بيه الصابلي بهاد الشكل
Put the internet to work for you.
إرسال تعليق