السلام عليكم و رحمة الله و بركاته
موقع بسمة لكل ما يهم المرأة المغربية يقدم عييتي من المرقة أجي بدلي شوية
عييتي من المرقة أجي بدلي شوية
من الاخت سميحة ام ياسين
على بركة الله :
دجاج : في إناء نوضعو زيت بلدية لما تاع ترقاد لحامض طرف كنور زعفران توم محكوك كامون ابزار سكين جبير خرقوم قزبر كارم ملح غير شوية ربيع ونص بصلة محكوكة في لحكاكة رقيقة نخلط كلشي وناخد لفخاد من بعد مغسلناهم مزيان وزولنا ليهم جلدة نفلحوهم بالموس ونرقدوم في هديك شرمولة شي 2 سوايع باش يشربوا تشرميلة من بعد نديرهم بمول جاج ونزيد عليهم هداك نص بصلة لي بقات مشنفة ونغطيهم بورق طياب من بعد المنيوم وإلى الفرن من لتحت حتى يطيب ونعريو عليه يحمار من الجهتين
لقرعة :ناخد طرف قرعة لحمرة نغسلوهة ونقتعوها طريفات صغار ونبخروها في مقلات نضع معلقة صغيرة عسل حر ومعلقة صغيرة سنيدة قرفة شوية ماء زهر وزبدة ندوبو كلش ونزيدو لقرعة ونمعسوهة بفرشيت مزيان حتى تنشف تجي بنينة بزاف
و بالصحة و الراحة
Put the internet to work for you.
إرسال تعليق