السلام عليكم و رحمة الله و بركاته
موقع بسمة لكل ما يهم المرأة المغربية يقدم الدجاج مشرمل و محمر في الفرن
الدجاج مشرمل و محمر في الفرن
مقادير و طريقة تحضير الدجاج مشرمل و محمر في الفرن
من الاخت اناقة كزاوية جزاها الله عنا كل خير
اشخباركم اخواتي واشخبار وليداتكم والعزاز على قلبكم نتمنى تكونو بالف خير يارب
هد الطريقة التقليدية في التقديم دجاج مشرمل بالزيتون وفوق منو الفريت انا بعدا كتحمقني ولابد نديرها مرة في أسبوع نتمنى تعجبكم آلحادقات
مقادير الدجاج مشرمل و محمر في الفرن
هداك شي لقسم الله في دجاج مقطع طراف
2 بصلات مقطعين رقاق
2 رؤوس التومة
شوية ربيع مقطع
شوية ملح ابزار خرقوم سكين جبير
طرف من وريقة سيدنا موسى
راس ملعقة راس ملعقة بسيبيسة وراس ملعقة قعقلة
ربع كاس صغير زيت
2كاس ماء
حامض مرقد
وزيتون اخضر او احمر
طريقة تحضير لدجاج مشرمل و محمر في الفرن
كناخدو طنجرة نديرو زيت وملح وخرقوم وطراف دجاج نخليه يتقلى مزيان حتى يبدا يطرطق
من بعد كنضيف بصلة مقطعة رقيقة ونخليها تتقلى حتى تدبل
من بعد كنضيف لعطرية وربيع وتومة وطريف سيدنا موسى ولماء ونغلق عليه حتى يدخلو طياب خاص للعافية تكون مهيلة باش كيجي محمر
من بعد كنضيف زيتون وحامض نخليه غير شوية ونطفي عليه
وكنقدمو في طبق مزين بالزيتون وحامض ومن الفوق لفريت وياسلام على بنة ههههه
Put the internet to work for you.
إرسال تعليق