ايديات بيضين و رطيطبين وصفة مجربة غزآآالة
السلم عليكم البنات
الى بغيتو ايديات بيضين و رطيطبين عندي ليكم وصفة مجربة غزآآالة
أولا بالليل غادي ديري الماء دافي شوية غادي للسخونة و تديري فيه الملح و غطسي فيه ايدياتك واحد خمس دقايق خرجي يديك و خودي شي كوماج الى معندكش غتديري سنيدة مع الحامض او مع الزيت البلدية و حكي يدياتك بحركات دائرية و صبيعاتك حتى هما من بعد شلي يديك و مسحيهم و غاتصاوبي الماسك المهم هادشي بطبيعة الحال حتى تبغي تنعسي الماسك عبارة عن دقيق الروز يعني الروز بودرة مع زيت زيتون مع الحامض و خلطيهم تيوليو بحال كريمة و دهني ايديك بيهم و خليهم شوي نشفو و من بعد لبسي شي ليكات الى عندك الى ماكاينينش نعسي هكاك راه عادي أصلا تيكون بحال الى دهنتي بشي كريم و فالصباح غيلي ايديك بالصابون و دهنيهم و تبعي الوصفة كل يوم و غادي تدعيو ليا .كنتمنى نشوف تفاعل ديالكم و لي جرباتها ترد عليا .
التدوينة ايديات بيضين و رطيطبين وصفة مجربة غزآآالة ظهرت أولاً على موقع لالة سناء.
Put the internet to work for you.
إرسال تعليق