مرحبا بكم من جديد فموقع للخلطات الطبيعية ووصفات التجميل المجربة يدقم لك طريقة تحضير ماسك غزال للشعر جربتو والنتيجة كتبان من اول مرة نتمنى حتى نتوما تستافدو منو .
ماسك غزال للشعر
السلام عليكمهذا اول موضوع ليا فمنتدى الشعر
ونتمنى نفيدكم
انا جربت واحد الماسك للشعر وهو صالح لجميع انواع الشعر غير كتغيري فيه بعض المكونات
انا شعري رطب وكيولي بعد 4 ايام مزيت
واخا هاد الماسك مزيت قلت غنجربو
المهم بلا منطول عليكم
حك ديال دانون مسوس والا كان شعرك طويل بزاف عملي 2+4معالق كبار زنجلان منقي ومحمر ومطحون (ممكن توجدي كمية كبيرة من زنجلان وفينما بغيتي تستعملي الماسك تلقايه واجد)+معلقة كبيرة زريعة الكتان+2معالق كبار زيت الزيتون.(ممكن تضيفو اي زيوت اخرى.
الشعر الجاف ممكن يضيفو زيت اللوز والبيض والمايونيز.
الشعر الخفيف يضيفو زيت الخروع والبيض
المهم كتلطو كلشي وتخليوه 10 دقايق وعاد كتعملوه على الشعر على الاقل 4 الساعات وماتخافوش راه كيبس ومفيه حتى رائحة ومن الافضل تعملو بوني بلاستيكي باش تستافدو اكثر من الماسك.
جربوه وماغاديش تندمو والله
إرسال تعليق