تحضير كراتان البطاطا و الكفتة بالصور
تحضير كراتان البطاطا و الكفتة
قادير كيلو بطاطا 2 بصلات مشنفين 2 ضروس تومة نصف كيلو كفتة 200 مل كريم فريش 2 فرماجات و اي فرماج اخر عندك 3 بيضات كاس صغير حليب شوية الزيت زيت البلدية موطارد صلصة الصوجا بشاميل (2 م الزبدةء2 م الدقيقءكاس كبير حليب ءشوية الجوزةءملحأبزارءجبن) معلقة تحميرة معلقة سكينجبير نصف معلقة ابزار معلقة كامون شوية الخرقوم ملح قرفة شوية المعدنوس الهريسة الطريقة اول حاجة كناخد البطاطا كنقطعها قطع صغيرة و كنسلقها مع شوية الملح و الزيت ملي تسلقات صفيتها من الماء وجدت كاس حليب مع اي فرماج عندي و الموطارد مع كريم فريش والسر ديال البنة شوية ديال السمن اقل من راس المعلقة و من طبيعة الحال ملح و ابزار و الجوزة و درتهم فوق البوطة على نار مهيلة وزدت عليهم البطاطا بعد ما صفيتها و بديت كنخلط الخليط ديالي باش يولي بحال Purée حتى يعقاد بحال العجينةا جبت مقيلة ديالي متكونش كتلصق و درت فيها البصلة و الربيع و التوابل ديالي مع الصوجا و الثومة و الهريسة و خليتهم يتقلاو مع الزيت البصلة طلقات الماء و بدات كتدبل و حطيت الكفتة ديالي مع كاس ديال الما و خليتها تشحر حتى طابت ملي طابت زدت عليها الزيت البلدية و خليتها تطيب حتى نشفات طفيت البوطة على الكفتة و بديت كنحضر البشاميل م الزبدةء2 م الدقيقءكاس كبير حليبءشوية الجوزةءملحأبزارءجبن) كندوب الزبدة و كنزيد الدقيق كنخلي كلشي يطيب عاد نزيد الحليب و الجبن و الملح الابزار الجوزة ملي يعقاد نطفي البوطة و نخليه يبرد سلقت البيض و قطعت الى نصفين جبت المول ديالي و بديت بالبشاميل قسمت البطاطا الى نصفين و حطيت طبقة ديال البطاطا وطبقة ديال الحشوة ديال الكفتةومن الفوق البشاميل و البيض اخيرا زدت طبقة ديال البطاطا و البشاميل من الفوق دخلتها الفران حتى تحمر .
التدوينة تحضير كراتان البطاطا و الكفتة بالصور ظهرت أولاً على موقع لالة سناء.
Put the internet to work for you.
إرسال تعليق