السلام عليكم و رحمة الله و بركاته
موقع بسمة لكل ما يهم المرة المغربية يقدم سلطة دافئة
مقادير و طريقة تحضير سلطة دافئة
من الاخت اريج الورود جزاها الله عنا كل خير
بما أن الجو عاد بارد شوية أقدم لكم اليوم سلاطة دافئة كنت عملتها منذ مدة.
طريقة بسيطة للغاية.تأخذين خزو (الجزر) تقطعيه دوائر وتفوريه أو تسلقيه
.في مقلاة تضعي شوية زيت الزيتون شوية ثوم لبزار كمون تحميرة ملح وقصبر ومعدنوس وتشحريهم+خزوا للي سلقناه أو فورناه ونشحروه +شوية خل أو عصير الحامض في الأخير.البطاطا تقطع هي الأخرى مربعات وتفوريها وتشحريها فشوية زيت وقصبر ومعدنوس اللي بغى الثوم يدير أنا ما درتوش +لبزاروملح فقط.
نمرو للوبيا شعرة نفوروها ونشحروها بنفس التوابل اللي درناها في خزو.
تاخذي فلفل أحمر حلو تشويه وتقطعيه شرائح طويلة ودوزيها فشوية زيت وملحة .
الكرومب الأبيض والأحمر تحكيه في الحكاكة الغليظة وتديري فيه مايونيز أنا هنا ماكانتش عندي عوضتها بجبن جبلي ووزيت وخل لبزار وملح .
التقديم:ديري خزو في الوسط ودوري عليها البطاطا ثم اللوبيا .أنا بين الخضر الطايبة والنيئة عملت شرائح الخيار الطويلة ومن بعد درت الكرومب الأبيض فالكرومب الأحمر.والفلفل درتو وريدات وزينت بيهم في الوسط فوق خيزو .
ومع الجوانب درت ليكوردون فيهم بسكوي مالح كنت درتو من قبل ومطيشة سوريز.
وانتوما وإبداعاتكم تزينو باللي بغيتو .أ
تمنى تكون راقتكم هذه السلاطة.مع تحياتي الحارة
Put the internet to work for you.
| |
| Recommended for you |
إرسال تعليق