حوت بلاصوص
من اخت لطيفة
مقادير حوت بلاصوص
سمك البلوميت ممغسول ومحيدينلو سلسول الظهر
خل
صلصة متكونة من معلقة موتارد ومعلقة مايونيز ومعلقة هريسة وشوية الصوجا
حشوة
بصلة مشلظة رقيقة
ماطيشا مقطعة رقيقة
معدنوس
زيتون مقطع حلقات
فلفلة حمراء او حتى خضراء مقطعة مربعات
تحميرة وكمون وملح وشزية زيت الزيتون
لا صوص
2ماطيشات
كاس ماء
تحميرة وخرقوم وكمون وقرفة وملعقة كبيرة ماطيشا ديال الحك
زيتون مقطع
الطريقة حوت بلاصوص
ناخدو الحوت نحلو ونحيدو ليه السلسول ونرشوه بالخل ونخليه 5 دقائق مدرتش الملح حيث الحشوة مالحة تكفي
نعمرو بالحشوة ونرصوف في مول يدخل للفران ونرشو بزيت عادية من فوق وندخلو للفران ونشعل الفوق والتحت ونقص العافية 20 دقيقة على ما وجدت لاصوص
ناخدو 2 مطيشات لي في الصورة ممقطعينش ونطحنوهم مع كاس ماء وتحميرة وكمون وخرقوم وشوية قرفة وورقة موسى وماطيشا ديال الحك
نخليها تغلي شوية ونخويها وهي سخونة فوق الحوت ونخلي الكل يتجانس مرة اخرى في الفرن
بلا ما ننسى نطفي الفران الفوق باش ميحمرش الوجه اكثر من اللزوم
الحوت دغيا يطيب وميحتاش الالمنيوم
via mixTabkh http://ift.tt/1nbjFIt
Put the internet to work for you.
لا تعليق
إرسال تعليق