من الاخت أم أســامة و إيمــان
كعب غزال تقليدي بتقديم عصري
العجين : كعب غزال تقليدي بتقديم عصري
250 زبدة ذايبة + 50 غ سكر جلاصي + قبصة ملح + نصف كأس ماء زهر+ 1 كيلو دقيق + شوية د السمن حار
+ شوية د الما لي يجمع العجين
ملاحظة :
العجينة تبقى قاصحة وتتدلك مزيـــــــــــان ونخليوها ترتاح في كيس بلاستيك
هاد المقادير ممكن تقسمهم حسب الحاجة
حشوة الكعاب : 1 كيلو لوز مصلوق وناشف + زلافة د السكر سنيدة + شوية قرفة + شوية سمن حار + 50 غ زبدة + شوية ماء زهر + شوية المسكة
نطحن اللوز المرة الأولى وحده والثانية مع السكر ونضيف جميع المقادير ونعمل حريبلات
الطريقة موضحة في الصور : بعدما كملت التشكيل عملت وريدات صغار ولصقتهم فيهم ولصقت العقيقة ثقبتهم مزيان بإبرا رقيقة
من الأفضل يباتو ليلة كاملة عاد يطيبو أنا كنت مزروبة طيبتهم بعد ما خليتهم يرتاحو شوية
الحليوات لخرين الأولى إسمها :البابيون والتانية إسمها :الشباك
نفس العقدة د اللوز كنغير فالحشوة كيف بغيت ونضيف نكهات مثلا الشباك ضفت ليه م ك مربى المشماش
كيبقى ليكم الإختيار باش يكون فرق فالطعم
Put the internet to work for you.
إرسال تعليق