حسوة البلبولة سهلة بالصور
من الاخت Faty Bel
هاد الحسوة كانت كديرها لينا ماما الله يطولي فعمرها كتجي رائعة و بالاخص دبا فرمصان باش نوعو شوية
اول حاجة كنغسلو البلبولة ديالنا مزيان و نخليوها مرقدة فالما شي 2 ساعات باش متاخدش الوقت بزاف فالطياب
كناخدو الطنجرة نعملو فيها بصلة صغيرة مشلضة و زيت الزيتون و حبة مطيشة محكوكة و الملح و الابزار و شوية الخرقوم مدقوق و شوية حب رشاد و شي حبيبات ديال الحلبة كتعطيها نكهة زوينة انا مكانتش متوفرة عندي . نعمل مع هادشي الما الكافي و نخليها حتي تغلى و تعاود و نحس بديك البصيلة طابت
عاد نرمي البلبولة و مرة مرة نحركوها باش متعجنش
صافي مني طيب مزيان ندوروها بالحليب من الاحسن البوريسيما او نيدو كيجي معاها غزااااال
via mixTabkh http://ift.tt/1oxXw6D
Put the internet to work for you.
إرسال تعليق