دجاج محمر ومجمر
من الاخت بنت بلادي
حكيت الدجاج مزيان بالملح وغسلته وخليته في الماء والخل مدة نتاع 2 سوايع
حضرت الشرمولة ولي متكونة من:ملح،ابزار،سكين جبير،زعفران،قزبر ومعدنوس مقطعين،عطرية
نتاع الدجاج والثوم محكوكة وزدت ليهم شوي ماء صافي وشرملت الدجاج مزيان من برا ومن الداخل
غطيتو وخليتو بات ليلة
في الغد خديت طنجرة ودرت الدجاج فيها مع ديك الشرمولة وزدت كاس ماء(الطنجرة مهزتليش 4
دجاجات،وحدة فورتها )
ودرتهم فوق نار مهيلة وخليتهم حتى طابو ودرتهم في لاطة الفرن ورجعت الدجاجة الاخرى ليفورت في
المريقة شربت شوي البنة وزولتها
في ديك المرق زدت البصلة محكوكة(انا درت 5 حبات)
وزدت الكانصة مقطعة +زيت وزيت الزيتون وخليت الكل على نار مهيلة
منين القانصة دخلها الطياب ضفتلها علبة من الشومبنيون وخليت الكل يطيب
وفي الاخير ضفت الكبدة حيت مكتاخدش بزاف ديال الوقت في الطياب
صافي قبل منحط الدجاج دهنتو بالزبدة والموطارد ودخلتو الفران حتى تحمر
وهاهو الدجاج ديالنا واجد،بالصحة والراحة
via mixTabkh http://ift.tt/1q0Z6Px
Put the internet to work for you.
إرسال تعليق