ميني بطبوط معمر
موضوع الاخت : Faty Bel
لتحضير البطبوط كنحتاجو ل 500غ حرش او دقيق الفينو و 250غ فورص . الملح . م ك سكر . م ك زيت . م ك خميرة خبز و ماء دافي لجمع العجين
كندلكو العجينة مزياااان و تكون مرخوفة من بعد نغطيها و نخليها تخمر
نعمل كويرات صغار و نكرصهم اولا طلقوها كبيرة و قطعوها بقطاعة الحرشة لعجبكم
نغطيهم و نخليهم يرتاحو شي 20د صافي و نخبزهم
دابا ندوزو للحشوة كنتبلو الكفنة بالتوابل الملح و الابزار و الكمون و القزبر يابس و الخرقوم و التحميرة و شوية القرفة و البصل محكوك
و كنوجدو مطيشة مقطعة دوائر و الدنجال مقلي و الخس و المايونيو المهم تقدرو تعملو اي خضر كتعجبكم و الصوص لبغيتو
نعملو الكفتة كويرات على قد البطيبيطات و نقليوها
كندهنو البطيبطات ديالنا بالمايونيز و نعمروهم
via mixTabkh http://ift.tt/1wAcwGI
Put the internet to work for you.
إرسال تعليق