العجين : 250غ دقيق . 250غ فينو . بصيلة محكوكة . قزبر و معدنوس مقطعين . ملح . شوية الابزار. شوية التحميرة
م ك خميرة الخبز. م ك زيت زيتون . م ك سكر . ماء دافي لجمع العجين
كنخلطو كلشي و نجمعو العجين و ندلكوها مزيان بحال عجيبة البطبوط و تكون رطبة
من بعد نعمل كويرات صغار و نخليهم يرتاحو شي 10 د
تكرصهم و نغطيهم حتى يخمرو
مني يخمرو نقليهم فزيت سخونة راه دغيا كيتحمرو و يطيبو و متخافوش راه مكيشربوش الزيت
ها هما الخبيزات ديالنا مني تقلاو كيجيو فنين
ها هي كتقول ليكم عمروني باشما بغيتو ههههه انا كناكلهم هاكدا كيجيو مقرمشين و لداد
المهم تقدرو تعملوهم بالحجم لبغيتو
هنا دهنتهم بصوص الياغورت و عمرتهم بشوارما اللحم و الخص و مطيشة
يمكن ليكم تعمروهم باشما حبيتو و الف صحة و هنا على قلوبكم حبيباتي
via mixTabkh http://ift.tt/1hp6moE
Put the internet to work for you.
إرسال تعليق