من الاخت دعاء القلوب
فقاص بطريقة ناجحة
نبداو على بركة الله الفقاص
المقادير بالنسبة لنصف كيلو يمكن ليكم تضاعفوهم على حساب الرغبة
3 بيضات
خمارة ونصف
كاس زيت
كاس سنيدة
1 فاني
كميشة تاع اللوز تقريبا 150غ كل مكان كتير تيجي زوين كنرطبوا واحد الساعة فالماء البارد من بعد مانكون فرقتوا على النصف فالطول
شوية ملح طبعا
الدقيق تقريبا 450غ على حساب الدقيق كيف عامل
انا متنستعملش فيه الزنجلان هاكا تيجيني احسن ومداقوا غززال ويمكن ليك تزيدوا الزبيب ابيض يكون مرطب شوية فالماء هنا حت هو مستعملتوش مكانش عندي حت هو تيجي فيه غزززال
الطريقة
نخلط البيض وسنيدة والزيت والملح ولفاني نخلطهم مزيان
من بعد نزيد اللوز وعاد الطحين وخميرة الحلوى بشوية بشوية حت نحس بيه تجمع ونخلي العجين شوية مرخوف
من بعد نقسموا كويرات على حسب الرغبة واش بغيتوا عريض اوكبير او متوسط
نلويهم كيف العادة ونبسطوا بيدي غي شوية هدا هو السر هههه بحال تنكرصوا ولكن غي تبسيطة وحدة ماشي بزززاف ملي تيطيب غالياتي متيتهرس ماتيتشقق موالو تيجي مقاد والصور غتبين ليكم النتيجة
ندهنوا باصفر البيض مع شؤية نسكافي ونشرطوا بالفورشيط
نسخن الفرن وندخلوا يطيب على عافية مهيلة انا تنشعل غي العافية تاع فوق الفرن ملي تيتحمر من جهة 1 تنعاود نقلبوا للجهة لاخرى باش يتحمر
غي نحس بيه طاب نزولوا ونعملوا فزويف حت يبرد هدا صيبتوا فالصباح وهاد لعشية عاد قطعتوا وحمرتوا
Put the internet to work for you.
إرسال تعليق