كيك بالشكلاط والليمون
من الاخت دعاء القلوب
مقادير كيك بالشكلاط والليمون
250 غ زبدة بحرارة المطبخ
250 غ سنيدة
200 غ طحين فورص
2 خمارت
5 بيضات
50 غ كاكاو
شوية الزبيب مرطب فشوية الماء
قشور اليمون محكوكين ومعسلين فشوية الماء وسنيدة حت يتعلكوا مزياان
الطريقة كيك بالشكلاط والليمون
نخدم السكر والزبدة حت تصبح عندنا كريما
نزيد البيض وحدة بوحدة
نزيد الكاكاو
تم الدقيق تدريجيا
والخمارات
وفي الاخير الزبيب وقشور الليمون لي عسلنا من قبل
ندهن المول بالزبدة ونرشوا بالدقيق ونصب الخليط
ندخلها للفران طيب على عافية مهيلة ولي عندها الفرن الكهربائي تعمل غي 120 درجة ومن الاحسن نعمل تحت منها شي لاطة ثقيلة باش طيب على خاطرها
ملي طابت خليتها حت بردات مزيان وزولتها من الموول ووجدت النباج ديالها لي متكون من
طريفات الليمون كاس ماء وكاس سنيدة عملتهم يغلاو مزيان فوق البوطة
وملي تعسلوا هزيت شرائح الليمون وزدت 2 معالق ناباج وخلطت مزيان وسقيت بيه الحلوة وزينت بالليمون
Put the internet to work for you.
إرسال تعليق