الرزيزة او رزة القاضي
موضوع الاخت ريم
مقادير الرزيزة او رزة القاضي
1/2 كلج فورص + 100 ج فينو +ملح +ماء دافئ
للدهن
من الافضل زبدة بلدية او ديال لعبار مدوبة وقليل جدا زيت
الطريقة الرزيزة او رزة القاضي
تجمع العجين قاصحة وتدلك جيدا حتى ترجع خيط وتعمل بودان وترتاح في بلاستيكة 15د
وتطلق باليد ودلك بالف بدون دهن حتى ترجع رقيقة عاد ندهنوها ونكملو الترقاق ونلويو على اليد مع الدهن بالزبدة حتى نكملو كلشي ونبداو نطيبو باول وحدة لويناها غادي تكون رتاحت ونطيبو في مقلة ثقيلة مع التقليب المستمر والرش بالزبدة مرة مرة حتى تحمر من الجهتين
نصيحة
-نجبدوها ناشفة باش يسهال عليها العمل وربحو الوقت حتى ترقاق عاد نبداو ندهنو غير بالزيت لان الزبدة تتبرد وتقطعها لينا نخليو الزبدة حتى نبداو لفو على يدنا عاد ندهنو بها
- نجبدو بطريقة لبريم وليس بالبسط بمعنى منضغطوش على الشريط وانما نحاولو نفتلوه باش تجي مبرومة ورقيقة
- وفي تجبيدة الاخيرة نحاولو نفرقو الكمية على 3 او 4 الكميات بحيث منين نلويو لويو 3 او 4 الخيوط في مرة
- وحنا تلويو نعليو يدنا باش تزيد ترقاق وندهنو مرة مرة
- نكرصو بالاصابع وتكون محلولة اي مفرقة ماشي ملاقيين وليس بالكف باش متكتمش
-نقلبو ها مزيان اثناء الطهي ورشو بالزبدة و مرة مرة نحلوها وهي تطيب في المقلة
- لما طيب نحلوها بين اليدين ونعملوها مباشرة في منديل وسط يلاستيكة باش تبقى هشيشة ومتقصاحش
via mixTabkh http://ift.tt/1wNuPZ6
Put the internet to work for you.
إرسال تعليق