من الاخت وردة مغربية
المقادير: حلوة التاج بالكوك
200غ دقيق الفورص الخاص بالحلويات
125غ زبدة لينة (ممكن استعمال الماركرين)
70غ كوك
75غ سكر كلاصي
بيضة
1/2 خمارة الحلوى
1 فاني
قشرة حامضة محكوكة
ممكن تضاعفي المقادير للحصول على كمية أكبر
الطريقة: تحضير حلوة التاج بالكوك
نخلط الزبدة مع السكر و الفاني و قشرة الحامضة حتى نحصل على خليط كريمي
نزيد البيضة و نخلط
في الأخير نزيد الدقيق و الخميرة و بلا ما ننسى قبيصة الملح
كنحصل على عجينة مرخوفة و كتلصق فاليدين
ناخد المولات ديال السيليكون أو أي مولات متوفرين عندك
نعمرهم بالعجينة حتى للنصف حيت غادي يتنفخو فالفران
ندخلهم للفران يكون سخون و نخليهم حتى يطيبو و يتحمرو
ملي نخرجهم من فران نحيدهم من المولات و نحطهم فوق شبكة حتى يبردو مزيان
ممكن تزينيهم حسب الرغبة و حسب الموجود عندك…بالنسبة ليا زينتهم بالشكلاط مدوب أسود و أبيض و بوريدات من عجينة اللوز ملونة صايبتهم بمولات السيليكون الخاصين بالورود
هذا الشكل النهائي
هذا الشكل النهائي
Put the internet to work for you.
| |
| Recommended for you |
إرسال تعليق