من الاخت امة الله
المقادير: تحضير حريشات الفران بالزبيب ونكهة الزهر
500غ السميدة الرقيقة
معلقة كبيرة طحين فورص
كاس سنيدة
كاس الحليب
1/2 كاس الزيت
معلقة كبيرة الزبدة
كيس خميرة الحلوة
كيس الزهر
قريصة الملح
70غ زبيب مرطب فما زهر و مقطع
معلقة كبيرة النافع محمر شوية
سميدة غليظة مرملة بشوية الزيت و سنيدة وراس معلقة صغيرة خميرة الحلوى للتزيين
نخلط السميدة والطحين ،السنيدة ،قريصة الملح،كيس الزهر
ثم الزيت والزبدة ونرملوها مزيان
نزيد خميرة الحلوى
ثم الزبيب والنافع
ثم نجمعوها بالحليب حتى نحصلو على عجينة رخوة
نخليوها ترتاح 10 دقايق
نبللو يدينا فما الزهر لي رقدنا فيه الزبيب نمرمدوها فسميدة غليضة
و نعملوه كريصات صغا
ندخلوها طيب فالفران يكون سخون و نشعلو غير الفوق حتا تشقق و تحمر عاد نشعلو التحت
بالصحة والراحة صدقوني تتجي هائلة وملي كطيب من ريحتها تشهيك ههه
اقتراح: انا هاد الحرشة كنوع فيها بعض المرات مكنديرش الزبيب والنافع وبلاصة الزهر ندير الفاني او قشور الحامض او قشور الليمون ممكن ندير الكوك .كيبقى على حسب الذوق.
Put the internet to work for you.
إرسال تعليق