من الاخت ام اسامة و إيمان
المقادير : كيكة الليمونة مسلوقة رائعة جدا
2 بيضات + كاس صغير كوك + كاس العنبة زيت + 200 غ سكر + 200 غ دقيق + عصير 1 برتقالة لسقي الكيك+ خمارة من فئة 20 غرام لكن صاحبة الوصفة علمت 2 خمارات من فئة 7 غرام
+ برتقالة مسلوقة زوج مرات يعني نسلقها فالما ونرجع نبدل لها الما ونردها تعاود تسبق باش ميبقاش فيها المرار ديال القشرة
الطريقة : كيكة الليمونة مسلوقة رائعة جدا
في الخلاط الكهربائي نطحن البرتقالة بعد ما نقطعها ونحيد لها العظم نطحنها مع السكر ثم نضيف الزيت والكوك ونفرغ الخليط في إناء آخر ونضيف الدقيق والخميرة نذهن المول بالزيت ونرشو بالدقيق وندخلها لفرن مسخن من قبل على 160 حتى ل 170 درجة
ها الكيكة واجد ريحتها فالفرن رائعة جدا
منين تكون الكيكة كتطيب نوجد الكريمة لي غادي نغطي بيها الكيك
المقادير : كاس عصير البرتقال + م ك نشا أو بودرة الكريم باتسيير انا عملت بودرة البوديننع + سكر حسب الذوق انا عملت 3 م ك
نخلط الكل ونعملهم فوق النار مع التحريك حتى يعقد ثم نضيف عليه 1 دانون كوك حسب وصفة امة الله انا مالقيتش وعملت دانون بنكهة البرتقال
كيف ما يخرج الكيك من الفرن نسقيه عصير برتقالة واحدة أنا كنعمل اكثر هههههههه ونخوي الكريمة فوق الكيك ويمي يمي
الإضافة لي ضفت للوصفة هي شرائح البرتقال معسل
قطعت دوائر من البرتقال وغليتهم فالما زوج مرات
عملت 3 م ك سكر + م ك ماء في مقلة حتى دابو مزيان وضفت عليهم قطرات من الليمون الحامض ونزلت دوائر البرتقال يتعسلو بلا ما يتغير لون السكر وبقيت كنقلبهم مرة مرة بعد ما بردو قطعت الرائرة من الوسط بلا ما نقسمها وزينت كيف واضح فالصور
وعملت دوائر من النوغاتين
كيك يحمر الوجه فعلا سواء كضيافة أو تاخدوه معاكم لشي حد
الله يجازي صاحبة الوصفة خيرات الدارين ويجعلها في ميزان حسناتها يوم القيامة
Put the internet to work for you.
إرسال تعليق