كيكة مالحة بالفلفل المشوي والبيض المسلوق بالصور
مقادير :
كأس ياغورت مسوس
كأس ياغورت عامر بزيت الزيتون
3 كيسان ياغورت عامرين بالطحين
4 بيضات
2 خمارات الحلوة
نصف فلفلة حمراء وخضراء وصفراء مشويين ومقطعين طريفات صغار ومشحرين في شوية الزيت الزيتون
مع ملح و إبزار
5 بيضات مسلوقين
بصلة مشلضة ومشحرة في زيت الزيتون مع ملح وإبزار
شوية الزيتون أسود مقطع طريفات ودوائر
طريقة تحضير :
نخلط البيض + ياغورت + زيت الزيتون ثم نزيدوا الطحين مخلط
مع الخمارات نخلطهم جيدا عاد نزيد عليهم الفلفلات الثلاث والبصلة
من بعد نزيدوا الزيتون هو الأخير وندخلوه غير بشوية في العجين باش متكحالش
ندهن مول مستطيل بالزبدة والطحين و نصب فيه ثلث العجين
نستف البيض المصلوق ومقشر على طول المول كهذا الشكل
وفي الأخير نكب باقي العجين على البيض نعملها في الفران
على نار مهيلة عادية مثل الكيك مدة 45 دقيقة وهذا هو الشكل الأخير
Put the internet to work for you.
إرسال تعليق