غريبة البهلة فالكوكوط ما تعجبوش و غير دخلو و ما غتندموش
غريبة البهلة فالكوكوط ما تعجبوش و غير دخلو و ما غتندموش حبيباتي كيف كتعرفوا كلكم أنه السر نجاح الغريبة البهلة هو الدليك إلا بغيتيها تجيك هشيشة و كتدوب فالفم خاصك ما تكتريش ليها الزيت و تدلكيها مزيان حتى يدخل الزيت فالدقيق و تليان باش تقدري تكوريها…اليوم جبت ليكم طريقة كتسهل عليكم بزآآف و النتيجة مضمونة إن شاء الله… ندوزو للمقادير و الطريقة نبدأعلى بركة الله
غريبة البهلة
المقادير: 1 كيلو دقيق الفورص رابعة السكر كلاصي رابعة الزبدة دالعبار قبيصة الملح راس المعلقة مسكة حرة الزيت على حسب الخليط نصف رابعة جنجلان محمر نصف رابعة لوز مفسخ و مقلي و مهرمش 3 خمارات الحلوة
الطريقة :
كنحضرو الغريبة ديالنا على جوج مراحل: المرحلة الأولى نغربل الدقيق و السكر كلاصي فالقصعة نزيد شوية الملح و المسكة الحرة و الزبدة
نخلطو بأطراف الأصابع و نفرك الزبدة مع خليط الدقيق و السكر حتى ندخلها فيه مزيان
عاد نبدا نزيد الزيت و أنا كنخلط و ما نكترش غير القياس اللي يبسس الخليط
نخلطها مزيان و بلا دليك بلا عداب ندير الخليط فالكوكوط
نسد الكوكوط و ما غادي نديرها فوق العافية تطيب هههههههه لا غير سديها و خليها فشي قنت فالكوزينة على الأقل 24 ساعة و كلما زادت المدة كتجي أحسن
ملي تدوز المدة تحلي الكوكوط غتلاحظي أنه العجينة رطابت نعملها فالقصعة تاني و نزيد عليها جنجلان و اللوز
و نخلط مزيان و في الأخير نزيد الخميرة
نخلطها مزيان و إلا كانت باقية كتفتت ندلكها غير شوية و هدا شكلها
نكورها بكل سهولة
و ندخلها لفران مسخن و نشعل عليها غير من الفوق فالأول واحد 5 دقائق عاد نشعل من التحت و نخليه مشعول من فوق
و هدا شكلها ملي خرجناها من الفران
كتجي هشيشة و كتدوب فالفم أما المداق غنخليكم تكتشفوه
اللي جرباتها و عجباتها أمانة عليها تدعي معايا شي دعوة الخير و ربي يجازيها بأحسن من دعواتها .
التدوينة غريبة البهلة فالكوكوط ما تعجبوش و غير دخلو و ما غتندموش ظهرت أولاً على موقع لالة سناء.
Put the internet to work for you.
إرسال تعليق