الي بغات رموشها تولي تجمعهم مع شعرها تدخل مرحبا ومجربة
السلام عليكم و رحمة الله و بركاته
الي بغات رموشها تولي تجمعهم مع شعرها تدخل مرحبا ومجربة
موضوع للاخت : احزان جزاها الله عنا كل خير
شحال هادي باغا نكتب ليكم هاد الموضوع ونفيدكم ولايني بنادم مكايحكش راسو
اول شي دعيو معاية الله ييسر اموري وجمع شملي مع خطيبي
دعوات من القلب ها
المهم نعاودها ليك كي الفزورة
سافرنا احبابي لعند خالي ومع الدخلة شفت بنت خالي المتزوجة كنشوف فيها كانقول اشنو فيها متغير شيييي حآآاجة زايدة خاصني نعرف ….شوية وانا نلاحظ رموشها بلا مبالغة واصلين لحنكها تصدمت قلت واش هادي مركباهم ولا شنو … متصرطاتش ليا كانقول حشومة نسول دابا بلاتي حتى نسخن بلاصتي ولايني الفضول مخلانيش ومبغيتش نبرد حتى نعرف لانو بصراحة النتيجة مذهلة
المهم سولتها وقلت ليها قولي ليا واش كاتشربي شي فيتمنات توع الحمل قالت ليا لا قلت ليها وعلاش شفارك ولاو هاكدا وهي تبدا تضحك وقالت ليا غير جلسي بعدا حتى تسخني بلاصتك وقلت ليها عذريني راني مصدومة
المهم
و هي تقول ليا غانقول ليك الوصفة ساهلة ماهلة
قلت ليها عتقيني
قالت ليا غاتجيبي عظام توع الزيتون وتحرقيهم في الفران رميهم مع الخبز حتى يتحرقو ودقيهم بالمهراز ونيليهم مزيان وخرجيهم من شي زويف رقيق باش يتغربل مزيان وعودي كحلي بيهم
قلت ليها واش مكايضرش ونديرو غير بالليل قالت ليا كيف جاك الكحل الي في عيني قلت ليها غزال و كحل داكن واش هذا كحل الهاشمي ؟؟؟ قالت لي لا كحل الزيتوني …..هههههه قلت ليها داخلت عليك هدا الي في عينيك عظم الزيتون …!!!!!!!!!!!! قالت ايه يعني منها اقتصاد ما تخسري كاع فلوس الكحل واللون تاعو احسن من الكحل آلي كايتباع ومفيد بنفس الوقت ونزيدكم راه منين كاتدقوه كيبقى شوية مكايبغيش يدق كايبقى شوية حرش هداك استعملوه للشعر راه حتى هو مزيان
منخبيش عليكم حنا في العادة تاعنا البنت الي مامتزوجاش مكاتديرش الكحل ولايني مرة مرة كنتسرق ونديرو بالليل و وخا هاكداك قوى ليا رموشي ووليت وخا ندير المسكرا للرموش ماكيطيحوش
وقلتها لاختي مزوجة وهادي خمس شهور كاتستعملها مشاء الله رموشها ولاو يبانو من البعد
وهي كانت كاتعاني من تساقط الرموش
ايوا استعملوه و البانضة على حسابي جميهم مع شعرك
ولا شديهم بودنيك
هههههههههههههههه
ايوا هادي هي القصة
و بغيت نفيدكم بيها وخلاصييي هو
هو
هو
الدعآآآآآآآآآآآآآآآآآآآآاء
راني محتاجة ليه
ومن قلوبكم
الله ييسر لي اموري
يارب
التدوينة الي بغات رموشها تولي تجمعهم مع شعرها تدخل مرحبا ومجربة ظهرت أولاً على موقع لالة سناء.
Put the internet to work for you.
إرسال تعليق