بالصور طريقة تحضير تشيز كيك بالفراولة ولا اروع
مكونات و طريقة تحضير تشيز كيك بالفراولة
مقادير الطبقة الاولى 300 غرام بسكوي 4 معالق كبار وبدة مقادير الطبقة التانية 380 غرام جبن كاس كريم فرش 4 بيضات سكر فاني 3 معالق سنيدة مقادير الطبقة الاخيرة 250 غرام فريز مقطع 2 ساشي فلون فريز 3 معالق سكر سنيدة 80 مللتر ماء دابا ندوزو لطريقة التحضير الطبقة الاولى نطحنو البسكوي ونخلطو معاه الزبدة ونعجنوه من بعد نجيبو مول اللي كايتفتح من الجنب ندهنوه بالزيت ونقطعو ورق المطبخ دائري نديروه في القعر ديال المول ونديرو الخليط ندخلوه للفرن على درجة حرارة منخفضة واحد 5 دقائق ونخرجوه نخلوه يبرد
نوجدو الطبقة الثانية نديرو الجبن والسكر ونخلطوه بالطراب الكهربائي حتى يولي بحال الكريم من بعد نزيدو كريم فريش ونخلطو من بعد نزيدو البيض بيضة بيضة مع التطراب ثم نضيفو الفاني من بعد نخويو الخليط على البسكوي وندخلوه للفرن ونشعلو عليه غار من الاعلى حتى يتماسك شوية مانطيبوهش حتى يتحمر يجي بحال هاكدة
من بعد نخلوه يبرد وندخلوه للثلاجة ساعة دابا ندوزو لاخر طبقة نخلطو الفريز مع السكر ونخلوه حتى يطلق الما من بعد نديروه في مولنكس مع باقي المكونات ونطحنوه من بعد نديروه في البوطة حتى يغلي ونحيدوه نخلوه يبرد شوية من بعد نخويوه على الطبقة الاخيرة وندخلوه يبرد واحد ساعة ونقدموه بالصحة والراحة حبيباتي
التدوينة بالصور طريقة تحضير تشيز كيك بالفراولة ولا اروع ظهرت أولاً على موقع لالة سناء.
Put the internet to work for you.
إرسال تعليق