مرحبا بكم عندي أحسن وصفة ل تبييض الجسم
مرحبا بكم عندي أحسن وصفة ل تبييض الجسم هي فيها مقادير طبيعية و أخرى لا مفعولها مضمون و عندها شروط غادي تقام عليكم ب 70 درهم على الأكثر و غادي ديرو منها موودة ملي تساليو الكمية غادي تبان ليكم النتيجة بإذن الله و ممكن تعودوا تساوبو واحدة أخرى.
هاد الوصفة عطتها ليا جارت صاحبتي هي مزيودة و كابرا ف الصحرا إوا صراحة هاد سيدة بحال لون وجهة بحال اللون رجليها ههههههههه تبارك الله عليها
إوا نجيو للمقادير
صابونة دوف الأصلية (كاتكوون كلها مكتوبة ب الإنجليزية مافيهاش العربية)
10 دراهم غاسول أبيض
2 شيرلي الأصلية
2 ساشي فير آند لفلي
قرعة ما ورد
قرعة ما أكسجين رقم 6
الطريقة
كاتحكي دوف ف الحكاكا و كاتزيدي عليها المقادير الأخرى كا تبقي تخلطي بيديك ميزيآآآآآآآآآآآآان حتى يولي بحال كريم و كاتخليها حتى ل نهار الآخر كا تلقيها طلقات مزيان و تنفخات
و كاديري منها للجسم من العنق حتى ل صباع الرجلين و كاتخليها أكبر وقت ممكن أو حتى تنشف و كادخلي دوش.إلى مشيتي للحمام كاتديري هاد الوصفة بعد ما كاتسالي ألحكان يعني حتى كاتحكي و تغسلي و تنشف جسمك عاد كاديريها.كاتخلي الجسم رطب و ريحتو غزآآآآآآآآآلا
إوا لي بغات درها ل وجها خاص بشرة ديالها ماتكونش حساسة و مافيها حبوب و دير ربع قرعة د ما ذ الأكسجين ماشي ألقرعة كاملة
و أقسم بالله أن هاد الوصفة مجربة على الوجه و على الجسم من طرف المقربين مني و نتائجها مرضية جدا
إوا هذا ما كان لي عجبتها الوصفة يدعي معايا شي دعوة زوينة ولي ماعجباثها حتى هي دعي معايا
التدوينة مرحبا بكم عندي أحسن وصفة ل تبييض الجسم ظهرت أولاً على موقع لالة سناء.
Put the internet to work for you.
إرسال تعليق