السلام عليكم جاراتي اش خباركم
اليوم جبت ليكم كتشاب كيك من داكشي
لي كايبان صعيب ولايني مع التفاصيل
لي غنوريها ليك غتلقايها جد سهلة باذن الله
نبداو بسم الله
مقاديركتشاب كيك :
500 غرام دقيق
2 ملعقة صغيرو خميرة الحلوى
ملعقة صغيرة و نصف قرفة
نصف ملعقة صغيرة جوزة الطيب محكوكة
نصف ملعقة صغيرة زنجبيل او سكنجبير
نصف كاس او 125 مليليتر كتشاب
125 مليلتر ماء
2 ملعقة صغيرة ملون غذائي احمر
175 غرام زبدة
375 غرام سكر بني
2 بيضات
تشيز كريم او كريم باتيسيير
طريقة التحضير :
اول حاجة كنبداو فيها باش نوجدو كتشاب كيك
كناخدو اناء وكنخلطو فيه الدقيق و القرفة
و جوزر الطيب و الزنجبيل خميرة الحلوى
وبيكربونات الصودا ونخلطوم مع بعضياتهم
فاناء اخر كنخلطو الكتشاب و الماء و الملون الغذائي
ونمزجوهم جيدا
من بعد
كناخدو الزبدة ديالنا كنخفقوها شوية بالطراب
حتى كتولي خفيفة وكنزيدو عليها السكر البني
ونطربو بالطراب مزيان
ونزيدو عليه البيض وحنا كنطربو
ملي كيولي خليط متجانس كنزيدو عليه نصف كمية الخليط لي
وجدنا فيعالدقيق و المكونات الاخرى و ايضا نصف
كمية الخليط لي وجدنا بالكتشاب
وملي يتخلطو مزيان نزيدو
عليهم ما نبقى من الخليطين حتي كتولي عجينة متماسكة و لونها جد رائع
من بعد كنقسمو الخليط على جوج طاوات مدهونين
بالزبدة و الدقيق
وندخلوهم يطيبو في فران سخون مزيان
ملي كطيب نخرجوها تبرد وتاجد حرارة المطبخ لمدة 20 دقيقة
كنبداو فمرحلة تزيين الكتشاب كيك:
فطبق التقديم كنحوطو الكيكة الاولى
وكندهنوها بتشيز كريم او الكريم باتيسيير
وكنزيدو الجزء الاخر
وندهنو من لفوق والجناب
وكندخلوها للثلاجة باش الكريم يشد راسو مزيان
لمدة دقائق وكنخرجوها من بعد باش نديرو طبقة ثانية
وكنديرو شوية الكريم في جيب الحلواني وكنديرو بيه
وريدات خفافات من فوق كتشاب كيك ديالنا
وكنديرو فوق الوريدات عقيق ديال الحلوة يكون حمر
وهاهيا جارتي بالصحة والراحة
وكانتمني تجربيها وتعطيني رايك
التدوينة كيتشاب كيك رائع شكلا و مذاقا ظهرت أولاً على موقع جاراتي.
Powered by موقع الوصفات المغربية
Put the internet to work for you.
إرسال تعليق