من الاخت ام كنزة
مسمن مورق بالصور
مقادير مسمن مورق وغزال
العجينة
طحين فورص
شوية ديال الحرش
مليحة
شويية ديال الخميرة وبعد المرات ماكنديرهاش
رشة ديال السكر
ماء دافئ
للتوراق
زيت
زبدة رطبة
سميدة رقيقة او دقيق حرش
طريقة تحضير مسمن مورق وغزال
نعجنو العجينة ديالنا و ندلكوها مزيااان ، و ندهنوها بالزيت و نخليوها ترتاح واحد 10 دقائق.
نديرو كويرات صغار
و نبداو في التوراق بأول كويرة وجدنا
نسرحو مزيان الكويرة ديالنا على هادالشكل , حتى تولي تقريبا شفافة
نرشو السميدة الرقيقة او الدقيق الحرش و نفرتتو الزبدة على هدا الشكل
ونبداو نطويو في المسمنة ديالنا
نورقوالمسمنة و نرشو المقلة بشوية ديال الزيت غي رشة خفيفة
ونقلبو المسمنة ديالنا و كيف كاتشوفو في الصورة راه كايتنفخ و كايجي مورق و غزااال
نكملو لكويرات ديالنا كاملين و من بعد نبداو في الطياب و ملا حظة مهمة خاصنا نداو بأول مسمنة طوينا وهكدا بالترتيب حتى نوصلولآخر وحدة .
وديما نغطيو المسيمنات ديالنا بزيف باش ابقاو رطبين.
وهاهو مسمن مورق وغزال واجد
بالصحة والراحة
ملاحظة
الى كنتو باغيين توجدو كمية كبيرة وتحتافظو بها في الكونجلاتور ، ماتخليوهاش تتحمربزاف باش نهار تبغيو تسخنوه يكمل التحمار ديالو و كايجي رطب بحال الى يالاه وجد
Put the internet to work for you.
إرسال تعليق