بسم الله الرحمن الرحيم
وصفة كتخلي الشعر رطب عن تجربة خاصة البنات الغزالات
انا جربت هاد الوصفة لقيتها فواحد المنتدى
فالاول ملي درتها
مـــــــــــــاحملتش راسي
ولكن من بعد نهار ولا غزال
هادي غير اول مرة درتها عاد ناوية نعاودها مرة و 2 و 3 انشالله
المهم ما نطولش عليك
وصفة كتخلي الشعر رطب عن تجربة خاصة
احم……احم…..
الوصفة كالتالي :
– نصف كيلو عنب ، كتعصريه مزيــــــــــــان و تاخدي الما ديلو
– كاس ديال الزعتر (كيفما كان يابس ولا خضر ) وتغليه فكاس ديال الماء
المهم كاتاخدي الماء ديال العنب و تزيدي عليه الما ديال الزعتر و حتي تغسلي شعرك و تنقيه، و تخليه ينشف شوية عاد ديري الخليط ديالنا فزكي بيه شعرك مزيآان من الجدر حتى الطرف و مشطيه و غطيه ببلاستيك و خليه نصف ساعة (انا خليتو ساعة) ايوا وشللي شعرك غيييير بالماء صافي
ايوا ايلا بغيتي دهنيه بشي زيت ولا كريم (على حساب نتي اش مولفة انا دهنتو بكريم فاتيكا )
ايوا هادا ماكان
ايوا اللي جرباتها و صدقات ليها دعي معايا الله يسهل ليا اموري و يلحقني على راجلي
نتمنى مانكونش طولت عليكم
و السلام ختآام
التدوينة وصفة كتخلي الشعر رطب عن تجربة خاصة ظهرت أولاً على موقع لالة سناء.
Put the internet to work for you.
إرسال تعليق