تارت باردة طبقات بالبيييسكوي و التفااااح و الشووووكولا مذاق لا يقااااوم!!!!
يلاه شكون بغى المقادييييير ؟ ههه
تفضلوا المقادير لقالب صغير لاربعة اشخاص
بيسكوي مربع او مستطيل(4 بكيات صغار صابلي)
3 تفاحات
نص كاس ماء
ملعقة سكر
بالنسبة لتحضير الكريم باتسيير
ربع لتر حليب+اصفر 2 بيض+2 ملعقة كبيرة مايزينا+ملعقة كبيرة سكر او حسب الذوق+واحد فاني (يغلى الحليب ؛يخلط اصفر البيض و مايزينا و السكر والفاني نصب القليل من الحليب شوية بشوية على خليط البيض و نخلط و نولي نكبو على بقية الحليب و نرجعو فوق النار حتى يثقال ونزلوه)
للتزيين
2 دانيت شوكولا
2 قطع شوكولا اسود
ملعقة صغيرة زبدة
كركاع مهرمش او بيسطاش
الطريقة
نقشر التفاح و نحكو في الحكاكة و نضيف ليه الماء و السكر و نحطوه فوق النار حتى يهبط و ينشف من الما ثم نخلطوه مع الكريم باتسيير ونقسم الخليط على 2.في الاناء نحط طبقة 1 من البيسكوي مفزك في الحليب ثم نحط نص 1 من خليط التفاح و الكريم نحط طبقة 2 من بيسكوي مفزك ثم النص 2 خليط التفاح و الكريم و نحط طبقة 3 من بيسكوي.في حمام مريم نذوب قطعتي الشوكولا و الزبدة ثم نضيف لهم دانيت نخلط الكل و ندهنوه فوق بيسكوي ثم ندخل الاناء للثلاجة يبرد 6 ساعات و التزيين عند التقديم حسب الذوق.بالصحة و الراحة.
Put the internet to work for you.
إرسال تعليق