مقادير كيكة بكريم كراميل :
الكراميل : كاس سنيدة توضع عل نار مهيلة حتا تبدا دوب ونبدا نحرك وتولي كراميل مع تحراك الكاسرول مرة مرة باش متحرقش ونصبه في مول
الكريم :
3 بيضات
فاني
3 معالق سنيدة
كاس لاروب حليب غبرة
2 كيسان حليب سائل
طريقة كيكة بكريم كراميل :
نخلط البيض مع سنيدة مزيان حتا يولي رغوة تم نضيف باقي المقادير بالتدريج من الاحسن استعمال مولنيكس ونصب الكريم فوق الكراميل من بعد مايكون قصاح في قاع المول
الكيك :
2 بيضات
نصف كاس سنيدة
نصف كاس زيت
نصف كاس حليب
فاني
2 معالق بودرة الكاكاو
معلقة ونصف خمارة
شوية ملح
كاس وربع فورص
الطريقة :
نخلط الكل كيفما تنخلطو الكيك العادي ونصب الخليط فوق الكريم وخا يبانليكم ديك شي تخلط متخافوش في الطياب تيتفرق
نضع المول في مول آخر به ماء ساخن يعني بطريقة حمام مريم وندخله الفرن ساخن من قبل
مدة الطهي : 45 حت 50 دقيقة
باش نعرفوه طاب ندخل سكين في الكيك ديالنا الا خرج نضيف يعني راه طاب نتركه يبرد ونضعه في التلاجة حتا يبرد مزيان مزيان ونقلبوه في طبق التقديم
التدوينة كيكة بكريم كراميل لذيذة بالصور ظهرت أولاً على موقع لالة سناء.
Put the internet to work for you.
إرسال تعليق