كتاب الطبخ: طارط رائعة واقتصادية دخلي ماغاديش تندمي

سلام الله عليكم البنات

اليوم الأخت : ورود الجوري

كاتقدم ليكم طارط رائعة واقتصادية

طارط رائعة واقتصادية دخلي ماغاديش تندمي

تبارك الله عليكم كيف الحال يارب دوما بخيير انا اليوم صايبت هدا الطارطا الاقتصادية والراقية عجباتني بزاف وحتى مداقها رائع قلت علاش مانفيدش بها حبيباتي الا عجباتكم دعيوة بالصحة وصلاح الحال والابناء ولكن بالمثل واخ ماعجباتكومش غير دعيو معايا لكن الاجر والثواب

المقاديير

مقادير الجنواز
2بيضات
5ملاعق اكل سنيدة
5ملاعق اكل زيت
5ملاعق اكل فورص
5ملاعق اكل عصير الخوخ المعلب
1خمارة

الطريقة

في خلاط كهربائي نضع البيض وسنيدة ونضربو مزيان ثم نضيف الزيت ونضربو العصير ونضربو وفي الاخير خليط الدقيق والخميرة ونضعه في مول دائري مفرش بورق الطهي لانها غادي تكون رقيقة
منين تطيب نخليوها تبرد وتعمل في ايطار حسب الدوق تزال الجوانب الزائدة
مقادير الطبقة الثانية
نصف يطرو حليب
2معالق سكر 1فلان فاني
2ملاعق كبار كريم باتسري
الطريقة
يضرب الكل بالفوي اليدوي ويعمل على نار مهيلة حتى يثقال ويوضع على الكيك يدخل الثلاجة حتى يبرد
نجهز مقادير الطبقة الثالثة
نصف يطرو عصير الخوخ المعلب نيكتار
سنيدة حسب الدوق
2فلان فاني
2معالق كبار كريم باتسري
يخلط الكل ويعمل علىنار مهيلة حتى يعقد
نخرجو الكيكة من الثلاجة ونضع عليها الخليط
نخليو الكل يبرد ونزينو ه بالناباج والكركاع
انا عملت 2طارطات وحدة دائرية والثانية على شكل قلب اليكن المراحل مع الصور