السلام عليكم جارتي اليوم جبت ليكم
كب كيك المخملية الحمراء يمكن للجميع تناولها
من الكبار حتى الصغار و ايضا الذين يتبعون حمية
و كذلك المرضى بداء السكري لاحتوائها على نسبة قليلة من السكر
نبداو بسم الله
مقادير لتحضير كب كيك المخملية الحمراء :
125غرام زبدة
180 غرام سكر سنيدة
2 بيضات
معلقة صغيرة مستخلص الفانيلا
240 مليلتر قشدة طرية
2 معالق كبار ملون غذائي احمر
معلقة صغيرة خل
معلقة صغيرة بيكربونات الصودا
625 غرام دقيق
نصف معلقة صغيرة ملح
2 معالق كبار كاكاو بودرة
طريقة تحضير كب كيك المخملية الحمراء :
اولا كنخلطو في اناء الدقيق و الكاكاو و الملح بالطراب اليدوي
المرحلة التالية من تحضير كب كيك المخملية الحمراء
من بعد كنطربو بالطراب الكهربائي الزبدة حتى كتولي ناعمة
ونزيدو عليها سنيدة ونخليوهم يطربو من دقيقة تال 2 دقايق
حتى يولي عندنا خليط متجانس ونزيدو من بعد البيض بشوية بشوية
ونزيدو الفانيلا وفي نفس الوقت كنطربو ونضيف الملون الغذائي
انا درت 2 معالق ممكن جارتي ديري الكمية ديال الملون بالدرجة
لي بغيتي نتيا القرار كيرجع ليك
ملي يولي عندنا خليط متجانس نبداو نزيدو الدقيق بالثلث و الكريما نقسموها على جوج
نكوبو المرة الاولى النصف الاول و ملي يتخلط مزيان نزيدو النصف الثاني ديال القشدة
الطرية والثلث الثاني ديال الدقيق و نخلطو مزيان و نزيدو الثلث الاخير ديال الدقيق
وملي يتخلط مزيان فالاخير كنزيدو الخل و بيكربونات الصودا من بعد ما نكونو
خلطناهم مع بعضياتهم وهاكا كملنا المرحلة الاولى من توجاد كب كيك المخملية الحمراء
ونعمرو الكويغطات الثلثين ديالهم باش الى تنفخات ماتفيضش فجناب الكويغطات
وندخلوهم الفران يطيبو و نخرجوهم
وفالتزيين نديرو وريدات يا بالكريم تشيز
اولا كريم باتيسسير بالجيب الحلواني
وهاهيا كب كيك المخملية الحمراء بالصحة و الراحة
التدوينة كب كيك المخملية الحمراء لجميع الاذواق و المناسبات ظهرت أولاً على موقع جاراتي.
Powered by موقع الوصفات المغربية
Put the internet to work for you.
إرسال تعليق