من الاخت ام اسامة و إيمان
السلام عليكم ورحمة لله وبركاته
عواشركم مبروكة حبيباتي لله يتقبل منا ومنكم صالح الأعمال
وصفة اليوم كيف سبق ونوهت أنها كفتة وكوطليط مشويين فالفرن
الكفتة فالأصل الوصفة طبقتها في دورة رمضان بأناقة مغربية للمشرفة الغالية ام سعد وروميساء ربي يحفضهم ليها
المقادير والطريقة : كفتة حسب الحاجة + بصلة متوسطة مقطعة رقيييقة + شوية المعنوس مقطع رقيق + ملح + م ص تحميرة + نصف م ص كامون + ربع م ص إبزار + ربع م ص سكنجبير + م ص عامرة صلصة الطماطم + شوية زيت زيتون + م ص صويا صوص إختيارية
كنخلط كل المقادير ونخلي الكفتة فالثلاجة طبعا كل ما بقات أكثر كل ما جات بنينة لكن مع دالك بعض المرات كنعمل الفرن يسخن ونبدا نوجد الشرمولة ومنستناش وكتجي غزالة
هنا الكوطليك كنرشهم بالملح ونعملهم في صينية الفرن وندخلهم لفرن ساخن مسبقا على درجة عالية بحال الكفتة
وها الكفتة ديالنا واجدة كتجي غزالة ولديدة لله يجازي الغالية ام سعد وروميساء خير الجزاء
بالصحة والراحة
لا تنسوني من صالح دعائكم ولكم بالمثل إن شاء لله
Put the internet to work for you.
ليست هناك تعليقات:
إرسال تعليق