المقادير
الحشوة
الضلعة+التوابل+عصير الليمون+الربيع+البصل+الفواكه الجافة
طريقة التحضير
فواكة جافة برقوق ومشماش وزبيب
نغسلوهم والبرقوق نحيدو ليه العظم ديالو ومشماش نقسموه على جوج
نرقدوهم في البرتقال وسكر وقرفة وشوية ملح مع اضافة الماء
من احسن نخليوه يرطاب على خاطرو الا كنتو زربانين ممكن طيبوهم
الضلعة
من بعد منفتحوها نرشو الداخل بالملح لبزار كامون
نبداو نستفو الحشوة البرقوق فوقو المشماش فوقو الزبيب
ونخيطوها
شرمولة الضلعة
ملح +ابزار+ راس الحانوت +سكين جبير طري+ سكين جبير عادي +ثومة +سمن خرقوم بلدي
و زدتها ضامة ديال الزعفران يخلط الكل بقليل من الماء
تدهن بيه الضلعة مزيان نخليوها تشرب ترقيدة
نديرو الضلعة على وجهها طيب حتى تشد للون عاد نقلبوها تكمل طيابها على خاطرها ونزيدو البصلة و الزيت مخلط و الماء اكيد
بالنسبة لزواقها حسب الرغبة
اناناس خليوه يتسقطر مزيان
فمقلة نديرو سنيدة ونخليوها حتى تولي كراميل عاد نحطو فيها الاناناس باش يتعسل وشد شوية اللون حمر
ونقدمو الضلعة معمرة
بالصحة والراحة
Put the internet to work for you.
إرسال تعليق