كرص بالحامض وماء الزهر تيجي خفيف بحال القطن بلادليك
مكونات و طريقة تحضير كرص بالحامض وماء الزهر
كرص بالحامض وماء الزهر بلا دليك تيجيو زوينين ومذاق يا سلام صراحة هاذ الكرص عجبني بزاف عاد واهم من ذلك اقتصادي وتيجي مقطن من داخل مفشفش
المقادير بيضة ملعقة كبيرة خميرة الخبز ملعقة كبيرة عامرة مزيان زبدة ربع كاس ماء الزهر نص كاس زيت نسيت ماصورتوش كاس عنبة سنيدة ربعة الحليب دافي 1 خمارة ـ شوية ملح قشرة حامضة محكوكة انا درت غير شوية طحين حسب الخليط
صفار بيضة لدهن وزنجلان لتزيين للحشوة يمكن ديرو شكلاط انا مكانش عندي
نطربو كولشي في الخلاط الكهربائي ونصبوه في قصرية ونضيفو ليه طحين تدريجيا حتى نجمعوها
وغادي نحصلو على العجين تتلصق مرخوفة شوية نغطيوها ببلاستيكة ونخليوها تخمر جيدا انا خمرتها في كوكوط
ونكونو منها كويرات ونبسطوهم غير شوية ونخليوها تخمر مرة اخرى
ونذهنوها بصفار بيضة ونرشوها بالزنجلان وندخلوهم يطيبو حتى يتحمرو
بالصحة والراحة
تيجيو رطبين بزاف كما تتشوفو في الصورة من داخل تيجيو فشفشين ملاحظة راه ممكن تديرو شهدة على حسب الرغبة .
التدوينة كرص بالحامض وماء الزهر تيجي خفيف بحال القطن بلادليك ظهرت أولاً على موقع لالة سناء.

Put the internet to work for you.
إرسال تعليق