السلام عليكم جاراتي الغزالات اليوم حبيت نجيب ليكم وصفة لي هيا ساندويش الايس كريم العملاق يبغيوها الكبار قبل من الصغار
نبداو بسم الله
المقادير :
250 مليلتر ماء
9 معالق كبار زيت المائدة
معلقة صغيرة خل ابيض
معلقة صغيرة مركز الفانيلا سائل
570 غرام دقيق
125 غرام سكر بني
250 غرام سكر صقيل
معلقة صغيرة بيكربونات الصودا
نصف معلقة صغيرة ملح
125 غرام كاكاو
مثلجات الفانيلا
الفيرمسال ملون
طريقة تحضير ساندويتش الايس كريم العملاق :
اولا كناخدو مول يكون دائري وكيتفك من جناب
ونكونو دايرين فيه ورق الزبدة كنسرحو فيه مثلجات الفانيلا
وندخلوه للمجمد لمدة من 4 ساعات تال 6 ساعات
في نفس الوقت نبداو نوجدو الكيك انا ختاريت مول ديال السيليكون
و فيه نجمة الوسط الا ملقيتيش بحالو تقدري ديري مول عادي ماشي مشكيل
في اناء نخلطو الدقيق الكاكاو السكر الصقيل و السكر البني
و الملح و بيكربونات الصودا
ملي كيولي عندنا كلشي متجانس
كنزيدو عليهم الما و الخل و الزيت و الفانيلا
وانا كنطرب بالطراب كيعود عندنا عجينة متماسكة
كنقسموها على جوج بالتساوي و كنسرحوها فوق
المول ديالنا وندخلوها لفران سخون مزيان من 25 تال 30 دقيقة
كنمرو لمرحلة تزيين ساندويتش الايس كريم العملاق :
كناخدو الكيك الاول وكنحوطوه في طبق التقديم
و كنحوطو فوقو المثلجات لي كنا ديرين
فالمجمد ونبداو نلصقو فجناب ديالو الفيرمسال
ونحوطو الكيك التانية ديالنا من الفوق
وهاهيا واجدة بالصحة و الراحة
كنتمى تجربوها
لا تنسونا من خالص دعائكم
التدوينة ساندويتش الايس كريم العملاق للكبار قبل الصغار ظهرت أولاً على موقع جاراتي.
Powered by موقع الوصفات المغربية
Put the internet to work for you.
إرسال تعليق